Mahsulot tavsifi
“Turkman madrasa” restavratsiya taklif loyihasi — Buxoro shahridagi tarixiy-me’moriy yodgorlikni asrab-avaylash, konstruktiv holatini yaxshilash, tarixiy qiyofasini tiklash va kelgusida zamonaviy turistik xizmat ko‘rsatish obyektiga moslashtirish bo‘yicha ishlab chiqilgan loyiha materialidir. Madrasa haqida qisqacha tarixiy ma’lumot Turkman madrasasi 1905–1910-yillarda , Buxoro amirligi poytaxtining Kemuxtgaron guzarida , o‘zbek hukmdori Abdulahadxon (1885–1910) hukmronligi davrida bunyod etilgan. Madrasa Rahmatullaboy qorovulbegi turkman mablag‘lari hisobidan qurdirilgan. Tarixiy ma’lumotlarga ko‘ra, Rahmatullaboy turkman qorako‘l terisi bilan tadbirkorlik qilgan hamda Chorjo‘y tomondan Buxoroga kelib, amirlikda qorovulbegi va to‘qsabo unvonlarida faoliyat yuritgan. Qurilgan davrida madrasa 34 ta hujradan iborat bo‘lgan. Restavratsiya va saqlash holati Sovetlar hukmronligi o‘rnatilgach, madrasada talabalarni o‘qitish faoliyati to‘xtatilgan. 2010-yilda ishlab chiqilgan Davlat dasturi doirasida madrasani 2011-yilda tadqiq qilish, avariya holatidagi qismlarini ajratish, konstruktiv jihatdan mustahkamlash, tiklash va ta’mirlash, shuningdek, dekorativ bezaklarini restavratsiya va konservatsiya qilish ishlari rejalashtirilgan. Ushbu ishlarni amalga oshirish uchun 100 million so‘m mablag‘ ajratilishi belgilangan. Madrasa Buxoro shahrining me’moriy yodgorligi sifatida 2019-yilda tasdiqlangan O‘zbekiston moddiy va madaniy merosining ko‘chmas mulk obyektlari milliy ro‘yxatiga kiritilgan. Bugungi kunda obidani saqlab qolish, uning tarixiy-me’moriy qimmatini tiklash va kelgusida turistik xizmat ko‘rsatish obyekti sifatida foydalanishga topshirish masalasi dolzarb hisoblanadi. Restavratsiya taklif loyihasining maqsadi Mazkur loyiha orqali: tarixiy obidaning me’moriy qiyofasini saqlab qolish; mavjud konstruksiyalarning holatini yaxshilash; avariya holatidagi qismlarni tiklash va mustahkamlash; tarixiy dekorativ-bezak elementlarini restavratsiya qilish; obidaning tarixiy va me’moriy qiymatini saqlagan holda zamonaviy foydalanishga moslashtirish; kelgusida turistik xizmat ko‘rsatish obyektini tashkil etish imkoniyatlarini ko‘rib chiqish ko‘zda tutiladi. 2020-yil ma’lumotlariga ko‘ra , Turkman madrasasining butligini saqlash, texnik holatini yaxshilash, restavratsiya qilish hamda sayyohlar uchun jozibador obyektga aylantirish bo‘yicha investor tomonidan loyiha taqdim etilgan. Madrasa negizida turistik xizmat ko‘rsatish obyektini tashkil etish bo‘yicha dastlabki loyiha ishlab chiqilib, O‘zbekiston Madaniy meros departamenti Kengashiga taqdim etilgan. Mahsulot tarkibi Ushbu PDF material restavratsiya taklif loyihasi sifatida arxitektura va restavratsiya yo‘nalishida o‘quv hamda loyiha ishlarini tayyorlashda foydalanish uchun mo‘ljallangan. Fayl formati: PDF Yo‘nalish: Arxitektura, Restavratsiya, Madaniy meros Obyekt: Turkman madrasasi, Buxoro Mahsulot turi: Restavratsiya taklif loyihasi Kimlar uchun: arxitektura talabalari, restavratsiya yo‘nalishi talabalari, kurs loyihasi va BMI tayyorlovchilar, arxitektorlar, restavratorlar hamda tarixiy-me’moriy obidalar bilan shug‘ullanuvchi mutaxassislar. Eslatma: Material o‘quv, ilmiy-tadqiqot va namunaviy loyiha maqsadlarida foydalanish uchun taqdim etiladi.
Muallif
- Hujjatlari
- 136
- Sotilgan
- 2
