Mahsulot tavsifi
Bronxial astma — nafas yo‘llarining surunkali yallig‘lanish kasalligi bo‘lib, bronxlarning giperreaktivligi, qaytuvchi bronxospazm va bo‘g‘ilish xurujlari bilan kechadi. Kasallik bir nechta mezonlar asosida tasniflanadi. Kelib chiqishiga ko‘ra bronxial astma allergik, noallergik va aralash shakllarga bo‘linadi. Allergik (atopik) shakli ko‘pincha irsiy moyillik bilan bog‘liq bo‘lib, uy changi, gul changi, hayvon juni va oziq-ovqat allergenlari ta’sirida rivojlanadi. Noallergik bronxial astma allergenlarga bog‘liq bo‘lmay, infeksiyalar, sovuq havo, jismoniy zo‘riqish, stress va o‘tkir hidlar ta’sirida yuzaga keladi. Aralash shaklda esa allergik va noallergik omillar birgalikda ishtirok etadi. Shuningdek, ayrim bemorlarda kasbiy bronxial astma ishlab chiqarish muhitidagi zararli moddalar ta’sirida, aspirin bilan bog‘liq astma esa nosteroid yallig‘lanishga qarshi dorilarni qabul qilish fonida rivojlanadi.
Muallif
- Hujjatlari
- 6 679
- Sotilgan
- 205
