Mahsulot tavsifi
MUNDARIJA KIRISH............................................................................................................ 3 I BOB. ULUG‘BEK HAMDAM IJODI RAMZ VA BADIIY TAFAKKUR EVOLYUTSIYASI........................................................................................... 5 1.1. Zamonaviy o‘zbek hikoyachiligida ramziy-allegorik tasvir tamoyillari........... 5 1.2 Ulug‘bek Hamdam asarlarida falsafiy-estetik izlanishlar va ramziylik............. 8 II BOB. ULUG‘BEK HAMDAMNING «TOSH» HIKOYASIDA RAMZIY OBRAZLAR TALQINI........................................................................................................ 11 2.1. Hikoyadagi «tosh» obrazining ma'no qirralari va falsafiy yuklamasi............ 11 2.2 Inson ruhiyati va botiniy olam ochilishida ramzlarning o‘rni......................... 14 XULOSA........................................................................................................ 18 FOYDALANILGAN ADABIYOTLAR RO‘YXATI...................................... 19 KIRISH Mavzuning dolzarbligi. Bugungi kunda o‘zbek adabiyotshunosligida badiiy tafakkur ko‘lami kengayib, inson ruhiyatining eng nozik qirralarini ochib berishda ramz, simvol va allegoriyalardan foydalanish tamoyillari sezilarli darajada kuchaydi. Mustaqillik davri o‘zbek hikoyachiligi o‘zining falsafiy-estetik izlanishlari, inson botiniy olami va ma'naviy-axloqiy muammolarni teran yoritishi bilan ajralib turadi. Bu jarayonda milliy nasrimizning yorqin vakillaridan biri Ulug‘bek Hamdam ijodi o‘zining zamonaviy shakl va mazmun qirralari, obrazlar tizimidagi o‘ziga xosligi bilan alohida ajralib turadi. Yozuvchining «Tosh» hikoyasi o‘zbek kichik epik janrida ramziy tafakkurning yorqin namunasi bo‘lib, unda inson hayoti, uning ma'naviy og‘irliklari, hayot sinovlari va qalb kechinmalari o‘ta ta'sirchan badiiy vositalar orqali ochib berilgan. Asardagi ramziy obrazlar tizimi kitobxondan teran estetik yondashuvni va falsafiy mushohadani talab qiladi. [1] Mazkur mavzuning dolzarbligi shundaki, «Tosh» hikoyasidagi ramziy obrazlarning tabiatini, ularning g‘oyaviy-estetik vazifasini hamda muallif konsepsiyasini ochib berish zamonaviy o‘zbek hikoyachiligidagi psixologizm va ramziylik tamoyillarini ilmiy-nazariy jihatdan chuqur tadqiq etishga xizmat qiladi. Hikoyadagi ramzlarning poetikasini o‘rganish yozuvchi mahoratining qirralarini anglash bilan bir qatorda, bugungi adabiy jarayondagi falsafiy-estetik izlanishlar ko‘lamini to‘laroq tushunish imkonini beradi. Tadqiqot obyekti: Ulug‘bek Hamdam qalamiga mansub «Tosh» hikoyasi, uning g‘oyaviy-estetik mundarijasi, asardagi ramziy obrazlar tizimi hamda yozuvchining umumiy ijodiy tamoyillari. Tadqiqot predmeti: «Tosh» hikoyasida qo‘llanilgan ramziy obrazlarning poetikasi, ularning falsafiy-estetik yuklamasi, inson botiniy olami va ruhiyatini ochib berishdagi badiiy vazifalari hamda muallif konsepsiyasining ifodalanish xususiyatlari. Tadqiqotning maqsadi: Ulug‘bek Hamdamning «Tosh» hikoyasidagi ramziy obrazlarning tabiatini va g‘oyaviy-estetik vazifasini ochib berish, asarda inson botiniy olami hamda ruhiyatining ramzlar vositasida talqin etilish xususiyatlarini ilmiy-nazariy jihatdan tahlil qilish. Tadqiqotning vazifalari: a) «Tosh» hikoyasida qo‘llanilgan ramziy obrazlarning ma'no qirralari va ularning asar g‘oyasini ochishdagi o‘rnini yoritib berish; b) Hikoyadagi ramzlar orqali inson ruhiyati, hayot sinovlari va muallif konsepsiyasining badiiy ifodalanish xususiyatlarini tadqiq etish. Kurs ishining metodlari. — tadqiqot jarayonida tadqiq va adabiy tahlil metodlaridan foydalanildi. Kurs ishining hajmi va tuzilishi. — kurs ishi kirish, ikki bob, xulosa va foydalanilgan adabiyotlar ro‘yxatidan iborat bo‘lib, umumiy hajmi 25–30 sahifani tashkil etadi. Tadqiqotning ilmiy-amaliy ahamiyati:Ilmiy ahamiyati: Mazkur kurs ishining xulosalari va tahlillari o‘zbek adabiyotshunosligida ramziy-allegorik tasvir tamoyillarini o‘rganishda, xususan, Ulug‘bek Hamdam ijodini yanada chuqur ilmiy asosda tadqiq etishda qo‘shimcha manba bo‘lib xizmat qiladi. Amaliy ahamiyati: Ishning natijalaridan oliy o‘quv yurtlarining filologiya fakultetlarida «O‘zbek adabiyoti tarixi», «Hozirgi o‘zbek adabiyoti» fanlarini o‘qitishda, maxsus kurs va seminar darslarini olib borishda, shuningdek, talabalarning ilmiy maqolalari va bitiruv malakaviy ishlarini yozishda foydalanish mumkin. [1] Mirziyoyev Sh.M. Adabiyot va san'at, madaniyatni rivojlantirish — xalqimiz ma'naviy olamini yuksaltirishning mustahkam poydevoridir. – Toshkent: O‘zbekiston, 2017.
Muallif
- Hujjatlari
- 822
- Sotilgan
- 291
